“రహస్య గది – Part 1 (తెలుగు Horror Story)”

“పెద్దింటి రహస్యం – భయంకర కథ”

  ఒక గ్రామంలో పెద్ద ఇల్లు. ఆ ఇల్లు చాలా పెద్ద సంసారం ఉన్న ఇల్లు. 

     గ్రామంలో అందరూ ఆ ఇంట్లో వాళ్ళను పెద్దింటి వాళ్ళు అనేవారు. ఆ పెద్దింట్లో ఒక అబ్బాయికి పెళ్లి నిశ్చయం అయ్యింది.

     ఎప్పుడూ, ఎక్కడా చూడని విధంగా పెళ్లి ఏర్పాట్లు జరిగుతున్నాయి.

      ఇంటి ముందు మామిడి ఆకుల తోరణాలు, గాలి తాకిడికి ఊగుతూ… రంగురంగుల లైట్లు రాత్రి ఆకాశాన్ని కూడా వెలిగిస్తున్నాయి.

      గ్రామం మొత్తం ఆహ్వానం పొందింది.

ఎవరైనా వచ్చి తినొచ్చు… చూడొచ్చు… ఆశీర్వదించొచ్చు.

పెళ్లి రోజు ఉదయం…

నాదస్వరాలు మోగుతుండగా, డప్పులు, తాళాలు గ్రామం అంతా వినిపిస్తున్నాయి.

 పెళ్లి కొడుకు రాజశేఖర్…

       తెల్ల పంచె కట్టుకొని, తిలకం పెట్టుకొని, అద్భుతంగా కనిపిస్తున్నాడు.

 పెళ్లికూతురు నాదియా…

       పసుపు పచ్చ, ఎర్రటి అంచు పట్టు చీర ఇంకా బంగారు ఆభరణాలు 

       ఆమె ముఖంలో చిన్న నవ్వు పెద్ద సంతోషం. పెళ్లి సందడులు చాలా సరదాగా నడుస్తూ ఉండేది.

 ఇలా ఉండగా, పెళ్లికి ముందు రోజు రాత్రి 

       పెళ్లి కొడుకు ఇంట్లో బంధువులతో ఎన్నో సరదా కార్యక్రమాలు చేస్తూ ఉన్నారు. 

      పెళ్లికూతురు నాదియాకు వాష్ రూమ్ కు వెళ్లాలని అనిపిస్తుంది దానికోసం ఇంటి లోపలికి వెళ్ళాలి.

       నాదియాకు తోడుగా ఒక ఆడ పిల్లను పంపించారు. లోపల చాలా పెద్ద ఇల్లు తనకు ఏమో తెలియని భయం. లోపలకు వెళుతూ, వెళుతూ తనకి ఒక తాళం వేసిన గది ఒకటి కనిపిస్తుంది. 

         అక్కడకు వెళ్ళగానే తోడుగా ఉన్న పాప తనను చేతిని పట్టుకొని అక్కడినుండి లాక్కొని వెళుతుంది. 

        ఏమైంది అని అడిగితే, ఆ పాప అక్కడికి ఎవ్వరూ వెళ్ళకూడదు అని చెప్తుంది. 

       తనకేమో కొంచం అనుమానం ఇంకా దాని గురించి తెలుసుకోవాలనే కూతుహలం వచ్చింది. 

కానీ పెళ్లి సంబరంతో దాని గురించి మర్చిపోయింది. 

      తరువాత రోజు పెళ్లి. పెళ్లి ముహూర్తం రానే వచ్చింది. 5 గంటలకే ముహూర్తం. 

ముహూర్తం సమయం దగ్గరపడింది…

పండితులు మంత్రాలు చదువుతున్నారు…

అగ్ని ముందు ఇద్దరూ కూర్చున్నారు…

జనం అంతా “శుభమస్తు!” అంటూ ఆశీర్వదిస్తున్నారు.

రాజశేఖర్ నాదియాకు తాళి కట్టే సమయం వచ్చింది. సరిగ్గా తాళి కట్టే సమయానికి ఒక్కసారిగా… 

గాలి బలంగా వీచింది

అగ్ని మంటలు ఒక్కసారిగా పెరిగింది

కొన్ని దీపాలు ఆరిపోయాయి

అందరూ కాసేపు షాక్ అయ్యారు…

 పండితుడు  

    మరేమి పరవాలేదు. “ఇది చిన్న అపశకునం మాత్రమే… పెళ్లిని ఆపకండి అని అన్నాడు.

అంతే…

ఇక తాళి కట్టబడింది.

పెళ్లి పూర్తయ్యాక…ఆటలు, పాటలు, నృత్యాలు తర్వాత విందు భోజనం…

అందరూ సంతోషంగా ఉన్నారు.

ఆ రాత్రే వారిద్దరి మొదటి రాత్రి…

      ఆ రాత్రి నాదియా తెల్ల చీర కట్టుకొని, మల్లె పూలు పెట్టుకొని, పాల గ్లాస్ తో లోపలికి వెళ్ళింది. 

     పెళ్ళికొడుకు ఒక్కడే రూమ్ లో కూర్చుని ఉన్నాడు. నదియా తన చేతిలో ఉన్న పాల గ్లాసును రాజశేఖర్ కు ఇచ్చింది. తను పాలు  తాగిన తర్వాత ఇద్దరూ కలిసి కూర్చుని చాలా సేపటి వరకు మాట్లాడుకున్నారు, ఇంకా కొత్త అనుభూతిని పొందారు. 

     మధ్యరాత్రి 1:00 గంట తర్వాత రాజశేఖర్ కు బాగా నిద్ర పట్టేసింది. నాదియాకు మాత్రం కొత్త ఇల్లు కాబట్టి నిద్ర రాలేదు. అలాగే గదిలో కూర్చొని ఉంది… 

    ఒక్కతే ఎంత సేపని కూర్చోను, కాసేపు అలా గాలికి తిరిగొద్దాం అంటూ రూమ్ నుండి బయటకు వచ్చింది. 

     పెద్దిల్లంతా చూస్తూ, నడుస్తూ 

ఆ తాళం వేసిన గది దగ్గరికి వచ్చి ఆగింది.  

ఆ గది డోర్ దగ్గరకి వెళ్ళగానే ఒక వింత గాలి.

ఆ గదిలోంచి “వెన్నులో వణుకు పుట్టించే శబ్దాలు వినిపించాయి…
మంత్రాల్లాంటి మాటలు…
అర్థం కాని గుసగుసలు…
ఎవరో నెమ్మదిగా మాట్లాడుతున్నట్టు...

ఇంకా ఏదో లాగుతున్నట్టు… అనిపించింది. 

      ఆమె శబ్దాలు వస్తున్న వైపుకు వెళ్లి చూసింది కానీ అక్కడ ఎవ్వరూ కనిపించలేదు.

       ఆ గదిలో ఏముందో చూద్దాం అని దగ్గరకు వెళ్ళగానే ఒక వృద్దురాలు అక్కడికి వచ్చి ఇలా అంది.

“ఈ ఇంట్లో రాత్రిళ్లు బయటకి రావద్దమ్మా…”

       అది విన్న నాదియా కొంచం కంగారుపడింది. 

రాజశేఖర్ కూడా అక్కడికి వచ్చాడు. వచ్చి తనని తీసుకెళ్లాడు.

      తర్వాత రోజు ఇంట్లో ఒక పెద్దాయన హఠాత్తుగా చనిపోయాడు అన్న వార్త వచ్చింది.

“వయస్సు అయ్యింది… సహజ మరణం” అని అందరూ అనుకున్నారు. 

దాని గురించి ఎవరూ అంతగా పట్టించుకోలేదు 

     మరుసటి రోజు నాదియా వంటింట్లో  వంట చేస్తుంది.

      ఆ వంటింట్లో ఉన్న కిటకీ ఎలాంటిదంటే రోడ్డుపై ఎవరు ఏమి మాట్లాడినా వినబడుతుంది. 

      అలాగే ఆ రోజు గ్రామస్థులు నాదియాను, ఈ ఇంటి కోడలి కాలి గుణం బాలేదు, అందుకే పెద్దింటి అయన చనిపోయాడు అని మాట్లాడుకోవడం వినింది.

      ఆ మాటలు విన్న నాదియాకు కంటిలోని నీరు ఆగలేదు. చాలా బాధపడింది.  

     రోజులు గడుస్తూ ఆ ఇంట్లో కొన్ని విచిత్రమైన విషయాలను ఆమె గమనించింది.

ఆ ఇంటి పెద్దలు…

ఎప్పుడూ నవ్వుతూ ఉంటారు కానీ… 

కళ్లలో ఏదో భయం కనిపిస్తుంది.

రాత్రి అయ్యే సరికి… 

ఇంట్లో ఒక్కో మూలలో నీడలు కదిలినట్టు కనిపించాయి.

ఇంకా తాళం వేసిన ఆ గది రహస్యం: 

        పెళ్లి రోజు నుంచే నాదియాకు ఆ గదిలో ఏమో ఉందని అనుమానం.

ఒక రోజు రాత్రి సరిగ్గా 11:40 గంటలకు 

      నాదియా నీళ్లు తీసుకొద్దాం అని రూమ్ నుండి బయటకు వచ్చింది.

      ఇంటి వెనకాల కొంతమందిని వెళ్లడం చూసింది.

     కిటకీ దగ్గరికి వెళ్లి చూస్తే, ఒకరిని ఈడ్చుకొని తీసుకెళ్తున్నారు…

ఆమె గుండె వేగంగా కొట్టుకుంది… 

     తాళం వేసిన గది లోపలికి వెళ్లి… తలుపులు మూసుకున్నారు.

     అదైన మరుసటి రోజు మరో వ్యక్తి చనిపోయారు. 

ఇంకో రోజు ఇంకొకరు…

ఇలా రోజుకో మరణం.

అది ఆ పెద్దింటి ముందు మాత్రమే కనిపించేది.

గ్రామంలో భయం మొదలైంది.

“ఆ ఇంట్లో ఏదో దయ్యం ఉంది”

“పెళ్లి కూతురు వచ్చిన దగ్గర నుంచి ఇది మొదలైంది”

     అన్న మాటలే వినిపించసాగాయి. ఆ మాటలు విన్న నాదియా సహించలేకపోయింది.

 “నేనేమి చేశాను…?”

తన వల్లే ఇది జరుగుతుందా అన్న భయం ఆమె గుండెను కొట్టేసింది…
కన్నీళ్లు ఆగలేదు….

       గ్రామంలో ఒక్కొక్కరూ చనిపోతూ ఉండగా భయంతో సగం మంది గ్రామాన్ని విడిచిపెట్టి వెళ్లిపోయారు.

       నిజంగా ఇదంతా  నా వల్లే జరుగుతోందా లేదా  ఎవరైనా చేస్తున్నారా అంటూ తనకు ఇప్పట్నుంచో అనుమానం.

      నేను వచ్చినప్పట్నుంచి చాలా ప్రశ్నలు నన్ను వేదిస్తున్నాయి. 

• ఎప్పుడూ ఆ గదికి తాళం వేసి ఉంటుంది
• ఆ గది దగ్గరకి వెళ్తే ఒక వింత చలి 
• రాత్రి అయ్యాక లోపల నుంచి మంత్రాల్లాంటి శబ్దాలు వస్తుంటాయి.
• మరణాలు జరిగిన ప్రతి రోజు… ఇంట్లో కొందరు వ్యక్తులు మాత్రమే కనిపించకుండా పోయి తిరిగి వచ్చేవారు.
• ఇంకా ఆ గది దగ్గరకి వాళ్ళు మాత్రమే వెళ్లేవారు.

       ఎలాగైనా కనిపెట్టాలి అంటూ  ఒక రోజు రాత్రి అందరూ పడుకొన్న తర్వాత అంటే 12:00 గంటలు అయ్యాక… తాళం వేసిన ఆ గది రహస్యం తెలుసుకుందాం అని నాదియా దూరంగా దాక్కొని ఆ గది వైపు చూస్తోంది.

      ఇంటి పెద్దలు నెమ్మదిగా ఆ గది దగ్గరకు వచ్చారు.

తలుపు తెరిచారు…

      లోపల నుంచి పొగ లాంటిది బయటకు వచ్చింది.

 ఒక కాంతి… ఎర్రగా మెరుస్తోంది. వాళ్లు ఒక్కొక్కరుగా లోపలికి వెళ్లిపోయారు.

      నాదియా భయంతో కొన్ని అడుగులు ముందుకు వేయగానే ఒక ముసలావిడ గట్టిగా 

నాదియా...!

ఎక్కడికి వెళ్ళేది? నువ్వు ఈ ఇంటి కోడలివి. 

కోడలు చేయాల్సిన పని మాత్రం చేయి అంటూ అరిచింది. 

నాదియాకు చాలా భయం వేసింది. తిరిగి వెనక్కి వెళ్ళిపోయింది. 

     తరువాత రోజు  రాత్రి నాదియాకు ఒక అవకాశం వచ్చింది.

ఆ గది తాళం అక్కడే విడిచి పెట్టారు.

ఆమె ధైర్యం చేసి

నెమ్మదిగా తలుపు తెరిచింది…

తలుపు తెరవగానే…

చచ్చిపోయిన దుర్వాసన…

ఎముకల్లోకి దిగే చలి

గది అంతా చీకటి…

నెమ్మదిగా లోపలికి వెళ్లి చూసింది…

ఆ గది ఒక సాధారణ గది కాదు…

అది ఒక రహస్య పూజల స్థలం

తరతరాలుగా వస్తున్న మూఢనమ్మకం

గోడల మీద రక్తంతో వేసిన చిహ్నాలు

మధ్యలో ఒక పెద్ద వేదిక (పూజ స్థలం)

చుట్టూ కొవ్వొత్తులు…  అర్ధం కాలిపోయినవి

ఒక మూలలో ఎముకలు… బలి గుర్తులు 

అప్పుడే తనకు అర్థమైంది ఇదంతా కావాలనే చేస్తున్నవి.

•  పెళ్లి రోజు జరిగిన అపశకునం
•  రాత్రిళ్లు వినిపించే శబ్దాలు
•  ఒక్కొక్కరుగా జరిగే మరణాలు

నాదియా భయంతో వెనక్కి తిరిగింది అక్కడ తనకు ఒక పుస్తకం దొరికింది.

నాదియా షాక్ అయింది…

అన్నీ ఆ గది వల్లే అని అర్థం చేసుకున్న నాదియా.

ఒక పేజీ తెరిచింది…
అక్కడ రక్తంతో రాసిన ఒక వాక్యం…

“కొత్త కోడలు కూడా బలి అవుతుంది…”

నాదియా చేతిలోని పుస్తకం జారి పడింది…

తరువాత ఏమి జరుగుతుంది?

పాత కాలపు కథ

ఇది ఎలా మొదలయ్యింది?

ఎందుకు ఇదంతా చేస్తున్నారు? 

👉 part-2 👉 Click here 

ఇంకా ఇలాంటి stories కావాలంటే మా బ్లాగ్ ను follow అవ్వండి